Ўзбекистон Грузиянинг Поти шаҳридаги эркин индустриал зонада омборхона терминали қурилишига 50 миллион лари (18,3 миллион АҚШ доллари) сармоя киритмоқда.
Поти МИЗ директори Давид Эбралидзенинг айтишича, терминал қурилиши бўйича Ўзбекистон томони билан музокаралар бир йилга яқин давом этган.
Лойиҳа уч босқичда амалга оширилиши режалаштирилган. Биринчи босқичда сиғими 1 минг тоннадан ортиқ музлатилган маҳсулотлар омбори ташкил этилади. Иккинчи босқичда 5 минг квадрат метрлик омбор қурилади. Учинчи босқичда 8 минг квадрат метр майдонда ёпиқ омбор, шунингдек, ҳажмсиз ва контейнерли юклар терминалини қуриш режалаштирилган.
Омбор терминалидаги юклар Ўзбекистондан олиб келинади ва кейин Европага жўнатилади. Шунингдек, юкларни ортиш тескари йўналишда амалга оширилади.
Қурилиш жойида топогеодезик ишлар олиб борилмоқда. Айни пайтда умумий схема, лойиҳа ҳужжатлари тайёрланмоқда, шунингдек, муҳандислик-геологик тадқиқотлар олиб борилмоқда.
