Abdulla Qodiriy koʻchasi va Amir Temur shohkoʻchasi kesishmasidagi hudud Toshkentning istiqbolli ofis hududlaridan biriga aylanish uchun barcha imkoniyatlarga ega, deb taʼkidlanadi Commonwealth Partnership (CMWP) hisobotida.
2026-yil oxiriga kelib, ushbu hududdagi ofis koʻchmas mulk maydoni, CMWP ekspertlari fikriga koʻra, qurilayotgan ~19 700 kvadrat metrlik ofis binolarining foydalanishga topshirilishi munosabati bilan 76 000 kvadrat metrga yetadi.
Hozirgi paytda Abdulla Qodiriy koʻchasidagi ofis hududining umumiy maydoni 56 900 kvadrat metrni tashkil etadi.
Ayni damda ushbu hududda ofis binolarini ijaraga olishning oʻrtacha narxi 1 kvadrat metr uchun 32,4 dollarni tashkil etmoqda.
Hozirda mazkur hudud qamrovida 279 mingdan ortiq aholi istiqomat qiladi. Ikki kilometr radiusda 12 ta koʻp qavatli turar-joy majmuasi qurilmoqda, bu, shubhasiz, yaqin kelajakda aholi sonining koʻpayishiga va natijada hududdagi ofis maydonlariga boʻlgan talabning oshishiga olib keladi.
Hudud joylashuvining afzalliklari:
Jamoat va shaxsiy transportda yuqori darajada qulaylik;
Shahar markaziga yaqin joylashgani;
Arzon ijara narxi;
Rivojlangan shahar infratuzilmasi: piyoda yurish masofasida koʻplab ovqatlanish joylari, Oloy bozori va doʻkonlarning yaqinligi.
Kamchiliklarga avtomobil toʻxtash joylarining yetishmasligi va yashil hududlarning yoʻqligi kiradi.
CMWP ekspertlari ushbu joyni moliya, IT, konsalting va FMCG kompaniyalari tomonidan ijaraga olish uchun istiqbolli deb baholamoqda.
