23-dekabr kuni prezident raisligida Qoraqalpog‘iston Respublikasini 2025-yilda ijtimoiy-iqtisodiy rivojlantirishning ustuvor vazifalariga bag‘ishlangan yig‘ilish o‘tkazildi.
Mirziyoyeva o‘zining Telegram kanalida yozishicha, yig‘ilishda hududning ulkan salohiyatini ro‘yobga chiqarish, jumladan, investisiyalarni ko‘paytirish, yangi ish o‘rinlari yaratish, aholi turmush sifati va daromadlarini oshirish choralari muhokama qilindi.
“Ushbu masalalar bo‘yicha bildirgan takliflarimizni ko‘rib chiqish asnosida davlat rahbari loyiha ofisini tashkil etish to‘g‘risida topshiriq berdi. Tuzilma uchta asosiy “o‘sish nuqtasi”: qishloq xo‘jaligi, sanoat va turizmni rivojlantirishga yo‘naltirilgan”, — deya yozdi prezident maslahatchisi.
