Qozog‘iston Transport vazirligi Qozog‘iston yuk avtomobillarining O‘zbekiston hududi orqali kirishi va tranziti uchun 300 dollar miqdorida yig‘im joriy etilganligi haqidagi ma’lumotni rad etdi.
Idoraning rasmiy saytida e’lon qilingan bayonotda aytilishicha, O‘zbekiston hududida qozog‘istonlik tashuvchilardan yig‘im undirilishi haqidagi ma’lumotlar haqiqatga to‘g‘ri kelmaydi.
“Qozog‘iston va O‘zbekiston hukumatlari o‘rtasida 2007-yildagi xalqaro avtomobil qatnovi to‘g‘risidagi bitimga muvofiq, tomonlarning tashuvchilari yig‘im va to‘lovlarni to‘lashdan ozod qilingan, pullik avtomobil yo‘llaridan foydalanganlik uchun yig‘imlar bundan mustasno”, — deya ta’kidladi Transport vazirligi.
Avvalroq 2025-yil 1-yanvardan O‘zbekistonda xorijiy yuk mashinalarining mamlakatga kirishi va tranziti uchun yangi yig‘im stavkalari amal qila boshlagani haqida xabar berilgan edi.
Lex.uz’da e’lon qilingan hujjatga ko‘ra, Tojikiston yuk mashinalaridan olinadigan yig‘im (yuk ko‘tarish qobiliyatiga qarab):
10 tonnagacha - $100;
10 tonnadan 20 tonnagacha - $150;
20 tonnadan ortiq - $200.
Turkmaniston yuk mashinalarining kirishi uchun (yuk ko‘tarish qobiliyatiga qarab):
10 tonnagacha - $130;
10 tonnadan 20 tonnagacha - 180 dollar;
20 tonnadan ortiq - $250.
Yevropa Ittifoqi mamlakatlari va Ozarbayjon yuk transporti uchun yig‘im miqdori O‘zbekiston hududida bo‘lish muddatiga bog‘liq:
14 kungacha - $80;
14 kundan ortiq - $280.
Qozog‘iston va Qirg‘iziston yuk mashinalari endi har bir mashina uchun 300 dollar, Afg‘oniston - 50 dollar, boshqa mamlakatlar - 400 dollar miqdorida kirish yig‘imi oladi.
