2100-yilga kelib dunyoda 279 ta til yoʻqolib ketishi mumkin, deb xabar berdi Rossiya Fanlar akademiyasi Tilshunoslik instituti katta ilmiy xodimi Yuriy Koryakov.
Tilshunoslarning maʼlumotlariga koʻra, XXI asr boshidan beri 88 ta til, jumladan, Indoneziyaning shimoli-gʻarbiy papuaslari tili, Bering orolida ishlatiladigan aleut tili lahjasi, shuningdek, tekislik apachlari tili yoʻqolgan.
Koryakovning taʼkidlashicha, XXI asrda tillar oʻn yil ichida oʻrtacha 40 ga yaqin tezlikda yoʻq boʻlib ketmoqda. Taqqoslash uchun, butun XX asr davomida 256 ta til barham topdi.
