Воқеа 23 январь куни пойтахтнинг Сергели тумани «Қўшқўрғон» маҳалласидаги корхонада содир бўлган. Бу ҳақда «Миллар» телекўрсатувида айтилади.
Хабарларга кўра, бахтсиз ҳодиса оқибатида ичида қайнаётган томат пастаси бўлган қозон икки ишчи устига ағдарилиб кетган.
Оқибатда бир киши жиддий куйиш жароҳатлари олиб, вафот этган. Шифокорлар иккинчи ишчининг соғлиғини оғир деб баҳоламоқда. У шифокорлар назорати остида.
Қайнаётган томат пастаси солинган қозон нима сабабдан ағдарилгани ҳақида ҳозирча маълумот йўқ.
Мазкур факт юзасидан терговга қадар текширув ишлари олиб борилмоқда.
