Самарқанд вилояти прокуратураси қарийб ярим миллиард сўмлик iPhone телефонлари харидига изоҳ берди.
«Ушбу телефонлар соҳа фаолиятини такомиллаштириш, жисмоний ва юридик шахслар билан халқ, жамият ва давлат манфаати йўлида ахборот алмашиш мақсадида бюджетдан ташқари маблағлар ҳисобидан харид қилинди», — дейилади расмий хабарда.
Самарқанд вилояти прокуратураси томонидан 2023 йил 28 декабрь куни 420 миллион сўмга 1 ТБ сиғимли 21 дона iPhone 14 Pro Max смартфони ва 25,3 миллион сўмга шу русумдаги яна бир смартфон харид қилинди.
Ижроия бюроси маълумотларига кўра, вилоят прокуратурасининг жиноят натижасида етказилган зарарни қоплаш билан боғлиқ 10 миллиард 505 миллион сўм қарзи бор.
