Футзал бўйича Ўзбекистон ва Россия аёллар терма жамоалари ўртасидаги ўртоқлик учрашувлари Халқаро футбол федерацияси (ФИФА) рейтингига киритилади. Бу ҳақда Ўзбекистон футбол ассоциацияси матбуот хизмати «ТАСС»га маълум қилди.
«Биз ўйинларга рухсат бердик, улар ФИФА рейтингига киритилади», — деди матбуот хизмати.
21 ва 22 май кунлари Тошкентда футзал бўйича Россия ва Ўзбекистон аёллар терма жамоалари ўртасида ўртоқлик учрашувлари бўлиб ўтади. Учрашувлар «Универсал» спорт мажмуасида бўлиб ўтади. Тошкент вақти билан соат 17:00 да бошланади.
6 май куни ФИФА илк бор футзал бўйича эркаклар ва аёллар терма жамоалари рейтингини эълон қилди. Ўзбекистон терма жамоаси эса 24-ўринни эгаллаб турибди.
