Чирчиқ шаҳридаги «Мурувват» маҳалла фуқаролар йиғинида яшовчи болалар ҳокимликдан йўлни таъмирлашни сўрашган. Сўров акс этган сурат «Потребитель» жамоатчилик каналида эълон қилинди.
Хабарда айтилишича, бу йўлда «ёзда тиззагача чанг, ёмғирда тўпиққача бўлган кўлмаклар бўлади». Қолаверса, маҳалладан мактабга, дўконларга, автобус бекатига борадиган ягона йўл шу.
«Аҳоли бир неча бор ариза ёзишган. Натижа йўқ. Хўш, бу масалада ҳеч бўлмаганда болаларнинг овози эшитилади?» — дейилади хабарда.
Чирчиқ шаҳар ҳокимлиги суратни ижтимоий тармоқларда эълон қилганидан сўнг расмий жавоб эълон қилди. Мазкур мурожаат ишчи гуруҳ томонидан кўриб чиқилади, дейилади матбуот хизмати шарҳида.
«Дастурга мувофиқ «Мурувват» миттитуманининг ички кўчаларида йўл таъмирлаш ишлари олиб борилмоқда», — дейилади ҳокимлик хабарида.
