Самарқандда қурилиш вақтида бир қанча қимматбаҳо дарахтлар кесилган. Бу ҳақда вилоят экология бошқармаси матбуот хизмати хабар берди.
Мутахассислар томонидан кўздан кечириш ишлари ўтказилиб, С.Э.Ш. қурилиш ташкилоти ишчилари тўртта қимматбаҳо дарахт ва битта камроқ қимматли дарахтни йўқ қилган.
Экология вазирлигининг «Vzglyad.uz»га хабар беришича, табиатга етказилган зарар миқдори 168 миллион 300 минг сўм миқдорида ҳисоблаб чиқилиб, жиноий белгилар мавжудлиги сабабли тегишли ҳужжатлар вилоят прокуратурасига ўтказилган.
Эслатиб ўтамиз, 2022-2023 йилларда Тошкент вилояти Экология бошқармаси томонидан жами 600 дан ортиқ дарахтни кесиш учун рухсатнома берилган эди. Фақат битта “4-қурилиш бошқармаси” бир вақтнинг ўзида 528 та дарахтни кесиб ташлаган. Экологик партия депутатлари Бош прокуратурага мурожаат қилган.
