Остонада Марказий Осиё мамлакатлари учун ягона телеканал ва минтақавий медиа платформа яратиш масаласи муҳокама қилинди. Бу ҳақда Қозоғистон Маданият ва ахборот вазирлиги матбуот хизмати хабар берди.
Маслаҳат учрашувида Ўзбекистон Ахборот ва оммавий коммуникациялар агентлиги директорининг биринчи ўринбосари Дилшод Саиджанов, Қозоғистон Маданият ва ахборот вазири ўринбосари Канат Искаков, Тожикистон Телевидение ва радиоэшиттириш давлат қўмитаси раиси Нуриддин Саид, ўринбосари Туркманистон Телевидение, радио ва кинематография давлат қўмитаси раиси Аннасахет Какаев ва Қирғизистон Маданият, ахборот, спорт ва ёшлар сиёсати вазирлигининг халқаро алоқалар ва сармояларни жалб қилиш бошқармаси бошлиғи Нусубали Жақипбеков қатнашди.
Учрашув иштирокчилари Марказий Осиё телеканали ва минтақавий медиа платформасини яратиш имкониятларини кўриб чиқишга келишиб олдилар. Бундай қадамлар ахборот хавфсизлигини мустаҳкамлаш ва маданий алмашинувни рағбатлантириш борасидаги саъй-ҳаракатларимизни бирлаштириш имконини беради, бу учрашув чоғида таъкидланган.
Шунингдек, оммавий ахборот воситалари масалалари бўйича ваколатли органлар томонидан медиасаводхонликни ошириш ва сохта маълумотларга қарши курашиш чора-тадбирлари муҳокама қилинди.
