Ҳамас сиёсий бюроси раҳбари Яҳё Синвар Миср ва Қатар воситачилари орқали Исроилга ўт очишни тўхтатиш таклифини етказди. Бу ҳақда CNN хабар берди.
Исроил бош вазири Биньямин Нетаньяхунинг бу борадаги позицияси ноаниқлигича қолмоқда, деди нашрга яна бир манба. Унинг сўзларига кўра, АҚШ вакиллари Исроилга, уларнинг фикрича, минтақадаги можаронинг кучайишига йўл қўймаслик бўйича келишувга эришиш вақти келганини аниқ айтишган.
Воситачилар оппонентларга 15 август куни Доҳа ёки Қоҳирада учрашишни ва «қолган барча камчиликларни бартараф этиш ва кечиктирмасдан келишувни амалга оширишни давом эттириш»ни таклиф қилишди. Исроил делегация юборишга рози бўлди.
АҚШ маъмуриятининг юқори мартабали мулозими қўшма баёнот эълон қилинишидан олдин ҳужжатда исроиллик гаровга олинганлар ва фаластинлик асирларни озод қилиш бўйича ҳар икки томоннинг имтиёзлари борлигини айтди.
Унинг таъкидлашича, томонлар ўртасида «тўрт-бешта масала» бўйича келишмовчиликлар сақланиб қолмоқда, улар биргаликда ҳал қилиб бўлмайдигандек туюлади. Бироқ уларнинг ҳар бири бўйича алоҳида «музокаралар учун жой» бор, бу эса тараққиётга имкон беради, дея қўшимча қилди матбуот котиби.
