Ўзбекистон ЖСТга аъзо бўлиш бўйича 18 та давлат билан музокараларни якунлади, улардан 14 таси билан бозорга кириш бўйича музокараларни якунлаш тўғрисида протоколлар имзоланди. Бу ҳақда президентнинг ЖСТ масалалари бўйича махсус вакили Азизбек Ўрунов маълум қилди.
18 та давлатдан 14 таси бозорга кириш бўйича музокараларни якунлаш тўғрисида баённомалар имзолади (баённома имзолангандан сўнг жараён расман якунланади). Бу мамлакатлар орасида Бразилия ва Шри-Ланка бор.
ЖСТ Жамоатчилик форуми доирасида Ўзбекистон бош вазири ўринбосари Жамшид Ходжаев, ЖСТ бош директори ўринбосари Сянчен Чжан ва бош директорнинг собиқ ўринбосари Алан Волф иштирокида ҳужжатларни имзолаш маросими бўлиб ўтди.
