Коррупцияга қарши курашиш агентлиги Ўзбекистонда йирик автомобиль ишлаб чиқарувчиларга 2024 йилнинг дастлабки олти ойида берилган солиқ ва божхона имтиёзлари ҳажмлари ҳисоботини эълон қилди.
Ҳужжатга кўра, 2024 йилнинг дастлабки олти ойида BYD Uzbekistan Factory 366,6 миллиард сўмдан ортиқ солиқларни бюджетга тўлаган, бу айланманинг 21 фоизини ташкил қилади.
Бироқ, заводга тўғридан-тўғри солиқ юки 34,5 миллиард сўмни ташкил этди: бу айланманинг атиги 2 фоизи, бюджет тўловларининг қолган қисми ҚҚСга тўғри келади - аммо бу билвосита солиқ бўлиб, уни компания эмас, оддий харидорлар тўлайди.
Шунга қарамай, BYD 2024 йилнинг олти ойида атиги 34,5 миллиард сўм тўғридан-тўғри солиқ тўлаган бўлса-да, энг йирик божхона имтиёзларини олди — 274,4 миллиард сўм.
Ушбу имтиёзларга қарамай, BYD автомобилларининг расмий нархлари норасмий импортёрларникидан анча юқорилигича қолмоқда.
Ўзбекистоннинг яна иккита йирик автомобиль ишлаб чиқарувчиси ярим йил ичида 492,3 миллиард сўмлик имтиёзларга эга бўлди:
UzAuto Motors — 317,2 млрд сўм;
ADM Jizzakh — 175,1 млрд сўм.
