Бугун (7 ноябрь) Тошкентда беш балли магнит бўрони кузатилиши Метеонова хизмати маълумотларидан маълум бўлди.
Геозарбалар соат 08:00 да бўлиши кутилмоқда, шундан сўнг кўрсаткич 4 баллгача пасаяди. 8 ноябрга келиб бўрон кучи 3 баллгача пасаяди.
Магнит бўронларининг таъсирини юрак-қон томир касалликлари, асаб тизими касалликлари, қандли диабет ва бронхиал астма билан оғриган одамлар, шунингдек, об-ҳавога сезгир ва метеоропатия аломатларини (об-ҳаво туфайли юзага келадиган оғриқларни) бошдан кечираётган кишилар энг кучли ҳис қилади.
Магнит бўронлари — Қуёшнинг ички реакцияларидир. Қуёш массасининг чиқарилиши, ёритгич юзасида чақнашлар ва бошқа ҳодисалар содир бўлади, бунинг натижасида энергия Қуёшдан барча йўналишлар бўйлаб, шу жумладан Ерга ҳам тарқалади.
