АҚШнинг янги сайланган президенти Дональд Трамп ўзининг янги маъмуриятида Пентагон раҳбари ва МРБ директори каби муҳим лавозимларга номзодларни таклиф қилди. Шунингдек, у тадбиркор Илон Маск ва Вивек Рамасвамига ҳукуматнинг янги самарадорлик департаментига раҳбарлик қилишни таклиф қилди.
Трампнинг сўзларига кўра, Маск ва Рамасвами «ҳукумат бюрократияси»га қарши курашни давом эттирадилар, ортиқча меъёрий ҳужжатларни қисқартириш билан шуғулланадилар ва федерал агентликларни қайта қуриш ва уларнинг «сарф-харажатларини» камайтиришга ёрдам берадилар.
Янги бўлинманинг қисқартмаси — DOGE Маск илгари сураётган Dogecoin криптовалютасининг номига мос келади.
Маскнинг ўзи эса бу янгиликка қуйидагича муносабат билдирди: «Демократияга таҳдид? Йўқ, бюрократия таҳдиди».
Маск Трампнинг сайловолди кампаниясини қўллаб-қувватлаш учун миллионлаб доллар хайрия қилди ва у билан бирга оммавий баёнот берди. Трамп аввалроқ Маскка ўз маъмуриятида давлат бошқаруви самарадорлигини оширишга қаратилган роль таклиф қилишини айтган эди.
Трамп, шунингдек, Фох Неwс телеканали бошловчиси Пит Хегсет номзодини мудофаа вазири лавозимига ҳам илгари сурди. Хегсетнинг таржимайи ҳолидан маълум бўлишича, у АҚШ Миллий гвардиясининг фахрийси, Афғонистон, Ироқ ва Кубадаги Гуантанамода хизмат қилган. Фох Неwс 2014 йилдан бери фаолият юритади.
«Америка овози»нинг ёзишича, агар Хегсетнинг номзоди Сенат томонидан тасдиқланса, у Трампнинг сайловолди кампанияси пайтида берган ваъдаларини «армияни Трамп ҳарбий хизматчилар таркибини диверсификация қилиш бўйича прогрессив ташаббусларни илгари суришда айблаган, консерваторлар эса бунга қарши бўлган генераллардан халос қилиши» мумкин.
CNN маълумотларига кўра, Трамп Мар-а-Лагодаги учрашувларга таклиф қилган бошқа кўплаб номзодлардан фарқли ўлароқ, у сўнгги кунларда Хегсет билан учрашмаган. Трамп Хегсетни «қаттиқ, ақлли, Американинг буюклигига чин дилдан ишонувчи одам» деб таърифлади. Унинг қўшимча қилишича, Пентагон раҳбари Хегсет билан «Америка душманлари огоҳлантирилади», мамлакат қуролли кучлари яна буюклашади ва Америка чекинмайди.
МРБга Миллий разведканинг собиқ директори, илгари Техасдан конгрессмен бўлган Жон Ретклифф бошчилик қилади. У ҳақда Трамп «у Америка халқи олдида доимо ҳақиқат ва ҳалоллик учун курашган» деди.
«Мен Джон мамлакатимизнинг разведка тузилмаларида иккала юқори лавозимни эгаллаган биринчи одам бўлишини сабрсизлик билан кутаман. У барча америкаликларнинг конституциявий ҳуқуқларини қўрқмас ҳимоя қилади, шу билан бирга миллий хавфсизликнинг энг юқори даражасини таъминлайди ва куч орқали тинчликни қўллаб-қувватлайди», — дея Трампнинг сўзларини келтирмоқда «Америка овози».
