Сурхондарё вилоятида Бойсун туманлик тадбиркор 10 миллиард сўмдан ортиқ солиқ қарзи туфайли 9 та BYD русумли автомобилидан айрилди, деб хабар қилди Мажбурий ижро бюроси (МИБ) матбуот хизмати.
Қарздорга тегишли «Азия-Констракшн» МЧЖ солиқ органлари ва юридик шахслар олдида 14 миллиард сўмдан ортиқ қарз тўплаган. Натижада МИБ ходимлари компаниянинг ҳисоб рақамларини блоклаган ва унинг мол-мулкидан фойдаланишни тақиқлаган.
Чекловлар остига кўчмас мулк, учта махсус техника ва 11 та енгил автомобиль, шу жумладан тўққизта BYD русумли машина тушган. Ҳозирда бу мол-мулклар кимошди савдоси орқали сотувга тайёрланмоқда.
