Бухоро вилояти Жондор туманидаги хонадонларнинг бирида газ портлаши содир бўлгани ҳақида Kun.uz икки мустақил манбага таяниб хабар бермоқда.
Ҳодиса натижасида эр-хотин ҳаёт билан келишмовчи даражада куйиш жароҳати олиб, вафот этди. Уларнинг икки қизи ҳам жароҳат олди, бироқ аҳволи барқарор, яна икки ўғли эса зарар кўрмади.
Фавқулодда вазиятлар вазирлиги ва «Ҳудудгазтаъминот» матбуот хизмати тергов ҳаракатлари олиб борилаётгани ва яқин орада расмий изоҳ берилишини маълум қилди.
Бош прокуратура матбуот котиби Ҳаёт Шамсутдиновнинг хабар беришича, 22 ноябрь куни Бухородаги ҳодиса юзасидан Жиноят кодексининг 259-моддаси (Ёнғин хавфсизлиги қоидаларини бузиш) бўйича жиноят иши қўзғатилди.
