2024-yilning 10 oyi davomida Oʻzbekistonga umumiy qiymati 202,7 million AQSH dollariga teng boʻlgan 20,2 ming dona elektromobil kirib keldi. Bu haqda Statistika agentligi maʼlum qildi.
Elektromobillarning asosiy yetkazib beruvchisi Xitoy boʻlib, uning ulushiga koʻpchilik - 20 082 ta toʻgʻri keldi.
Qozogʻistondan 51 ta, Gonkongdan 17 ta va Germaniyadan 14 ta elektromobil keltirildi. Birlashgan Arab Amirliklari va AQSHdan oʻn donadan import qilindi.
