Oʻzbekistonda Oliy Majlis deputatlari mahkumlarga yaqinlari bilan video muloqot oʻtkazish imkonini beruvchi qonun loyihasini birinchi oʻqishda maʼqulladi.
Hujjat Jinoyat-ijroiya kodeksiga oʻzgartirishlar kiritishni nazarda tutadi. Xususan, mahkumlarga qarindoshlari bilan videoaloqa orqali masofadan turib muloqot qilish imkoniyati yaratiladi. Bunday uchrashuvlarning davriylik qoidalari jazoni oʻtash sharoitlari va rejimiga bogʻliq boʻladi.
Loyiha tashabbuskorlarining fikricha, bu mahkumlarning ozodlikka chiqqandan soʻng jamiyatga qayta moslashuviga koʻmaklashadi.
