O‘zbekistonda elektromobillarni zaryadlash tariflarini o‘zgartirish rejalashtirilmoqda. O‘zbekiston Energetika vazirligi loyihasiga ko‘ra, quvvatlash narxi sutkaning vaqtiga bog‘liq bo‘ladi.
Quvvatlash stansiyalari egalari tungi soat 22:00 dan 06:00 gacha elektr energiyasiga 50 foizgacha chegirma olishlari mumkin. Biroq eng yuqori iste’mol soatlarida — 06:00 dan 10:00 gacha va 17:00 dan 22:00 gacha — tariflar oshiriladi.
Qaror zaryadlash infratuzilmasini isloh qilish bilan bog‘liq. Energetika vazirligi ma’lumotlariga ko‘ra, mamlakatdagi zaryadlash stansiyalarining atigi 10 foizi standartlarga javob beradi. Tekshiruvdan o‘tmagan stansiyalar elektr ta’minotida uzilishlar kelib chiqishi va zaryadlash sifatini pasaytirishi mumkinligi sababli demontaj qilindi.
Vazirlik, shuningdek, zaryadlash stansiyalari ishini standartlashtirish va O‘zbekistonda elektromobillardan foydalanishni soddalashtirishga imkon beradigan yangi qoidalarni ishlab chiqmoqda.
