Bugun, 9-yanvar kuni Toshkentdan Anqaraga uchayotgan samolyot tuman tufayli Istanbulga yo‘naltirildi. Bu haqda Uzbekistan Airports matbuot xizmati xabar berdi.
9-yanvar kuni HY291 reysi Istanbuldagi zaxira aerodromiga mahalliy vaqt bilan soat 11:15 da qo‘ndi. U Anqaraga yo‘lini davom ettirib, u yerga taxminan soat 12:00 da yetib borishi kutilmoqda.
Anqaradan Toshkentga uchadigan HY292 reysi soat 13:00 ga, Toshkentga esa soat 19:00 ga belgilangan. O‘zgarishlar Anqara aeroportidagi noqulay ob-havo sharoiti bilan bog‘liq.
