Global Firepower tahliliy markazi tomonidan tuzilgan dunyodagi eng kuchli armiyalar reytingiga ko‘ra, O‘zbekiston Qurolli Kuchlari 145 ta mamlakat orasida 58-o‘rinni egalladi.
O‘tgan yilga nisbatan mamlakat yettita pog‘onaga ko‘tarildi (avval 65-o‘rinda edi).
Qozog‘iston Markaziy Osiyoning eng kuchli armiyasiga aylanib, 57-o‘rinni egalladi. Turkmaniston 77-o‘rinni, Qirg‘iziston 105-o‘rinni, Tojikiston esa 108-o‘rinni band etdi.
Ro‘yxatda an’anaviy ravishda AQSH yetakchilik qilayotgan bo‘lsa, Butan qirolligi oxirgi o‘rinda joylashgan.
Bugungi kunda O‘zbekistonda harbiy xizmatga yaroqli inson resurslarining umumiy soni 13,5 million kishini tashkil etadi. Har yili potensial chaqiriluvchilar soni 622 ming nafarga ko‘paymoqda. Hozirgi paytda O‘zbekiston qurolli kuchlarida 65 ming kishi xizmat qilmoqda.
O‘zbekiston Harbiy-havo kuchlaridagi uchuvchi apparatlarning umumiy soni 197 tani tashkil etadi: 58 ta qiruvchi samolyot, 20 ta zarba beruvchi samolyot, 13 ta harbiy transport samolyoti, 7 ta o‘quv-mashg‘ulot samolyoti, shuningdek, 99 ta vertolyot va 33 ta harbiy vertolyot mavjud.
Shuningdek, O‘zbekistonda 420 ta tank, 197 ta o‘ziyurar artilleriya qurilmasi va 143 ta reaktiv zalp o‘t ochish tizimlaridan foydalanilmoqda.
