Toshkentning Labzak mahallasida, Anhor daryosi boʻyida “Park Retail” MCHJ kompaniyasi tomonidan turar-joy majmuasi qurilishi rejalashtirilgan. Bir gektarga yaqin hududda qimmatbaho daraxtlar kesilgan va poydevor chuquri qazilgan.
Aholi dastlab loyihaga qarshi edi. Biroq “Golden House” nomli yirik quruvchi kompaniyani oʻz ichiga olgan “Oriyent Group” xodimlari (aslida loyihaga ular egalik qilishadi) blogerlar va ayrim internet nashrlar bilan birgalikda “sahnalashtirilgan voqea”ni uyushtirdilar. Ammo aholi oʻz mahallasidagi soʻnggi boʻsh yer parchasini himoya qilish uchun qatʼiy pozitsiyasini bildirdi.
Taʼkidlash joizki, yuqorida aytib oʻtilgan hudud 9 qavatdan baland uylar qurilishi taqiqlangan seysmik zonada joylashgan. Jurnalistlar bilan suhbatda Seysmologiya instituti xodimlaridan biri aslida 5 qavatdan baland binolar qurish tavsiya etilmasligini tan oldi.
Bundan tashqari, 20 qavatli uylar qurilishi rejalashtirilgan yer ostida yer osti suvlari tufayli nam va zax. Mahalla aholisidan birining tushuntirishicha: Aynan shu sababli bizning mahallamiz Labzak deb ataladi (Labi zax — “nam yer” maʼnosini anglatadi, tojikcha “labi” — “qirgʻoq”, “zah” — “nam, zax” demakdir).
Batafsil maʼlumotni yangi video reportajimizda koʻrishingiz mumkin:
