Бу ҳақда Статистика агентлиги ҳисоботида айтилади.
Агентлик маълумотларига кўра, ўтган йил якунларига кўра, аҳолининг умумий даромадлари 728,8 трлн сўмни ташкил қилган. Хусусан, жами даромаднинг номинал ўсиши 15% ни, реал ўсиши эса 4,6% ни ташкил этди.
Аҳоли жон бошига умумий даромад 20 млн сўмни ташкил этди. 2023 йилнинг январь-декабрь ойларида, аҳоли жон бошига умумий даромадлар ҳажмида Тошкент шаҳрида (44 427,9 минг сўм) ҳамда Навоий (31 445,6 минг сўм), Бухоро (23 480,3 минг сўм) ва Тошкент (20 730,2 минг сўм) ва Хоразм (20 076,6 минг сўм) вилоятларида ўртача республика даражасидан юқори кўрсаткичлар қайд этилгани кузатилди.
Аҳоли жон бошига умумий даромадлар ҳажмининг энг қуйи кўрсаткичлари Қорақалпоғистон Республикасида (14 570,7 минг сўм), Наманган вилояти (15 070,6 минг сўм) ва Фарғона (15 716,5 минг сўм) вилоятларида қайд этилди.
Аҳоли жон бошига умумий даромадларнинг реал ўсишининг энг юқори суръати Тошкент шаҳрида (7,6%), Навоий вилоятида (5,7%), Сирдарё вилоятида ва Андижон вилоятида (4,4%), шунингдек, Жиззах вилоятида (4,3%) қайд этилди. .
Шу билан бирга, Хоразм (-6,4%), Сурхондарё (-0,8%), Самарқанд (-0,5%), Бухоро (-0,4%), Наманган (-0,3%) вилоятларида аҳоли жон бошига умумий даромадларнинг реал ўсиш суръатлари пасайиши қайд этилди.
Аҳолининг умумий даромадлари ҳажмини сезиларли даражада ўсиши асосан умумий даромадлар таркибида 29,7% улушга эга бўлган ёлланма ишчиларнинг даромадлари ва 34,3% улушга эга мустақил равишда банд бўлишдан олинган даромадлар ҳамда 26,7% ни ташкил этувчи трансфертлардан олинган даромадларнинг сезиларли ўзгариши ҳисобига юзага келган.
