Юқори кўрсаткичлар тоғ-кон саноати ва карьерларни қазиб олишда — 8,3 млн сўм, юк ташиш ва сақлаш соҳаларида — 6,9 млн сўм, электр таъминоти, газ, буғ ва ҳавони тозалашда — 6,5 млн сўм, ишлаб чиқариш саноатида — 5,4 млн сўмни ташкил этди.
Рейтингнинг энг қуйи поғонасида анъанавий тарзда таълим, соғлиқни сақлаш ва ижтимоий хизмат кўрсатиш соҳаларида ўртача 4,5 млн сўм иш ҳақига эга ходимлар жой олган. Шу билан бирга, боғча тарбиячиларининг маоши энг паст — атиги 1,7 млн сўм. Университет ўқитувчилари ўртача 7,3 млн сўм олади.
Шуниси эътиборга лойиқки, болалар боғчаси тарбиячиси дастурчидан деярли 10 баравар кам маош олади.
Ҳудудлар бўйича йил охиридаги энг юқори ўртача ойлик иш ҳақи:
- Тошкент шаҳри — 5 073 400 сўм;
- Тошкент вилояти — 3 098 500 сўм;
- Навоий вилояти — 3 073 500 сўм.
Статистика агентлиги маълумотларига кўра, 2023 йил декабрь ойида республикада ўртача иш ҳақи 5,5 млн сўмдан ошган бўлса, йил якунига кўра бу кўрсаткич 4,5 млн сўмни ташкил этган.
