Маълумотларга кўра, 2024 йилги «Ташаббусли бюджет»нинг биринчи мавсуми лойиҳалари бўйича овоз бериш 16 март куни бошланган.
Жорий мавсумда республика бўйича жами 35575 та таклиф тушди, шундан 2270 таси ғолиб деб топилди.
Мавсумда лойиҳаларни амалга ошириш учун давлат бюджетидан 3 триллион 39 миллиард сўм йўналтирилади. Ҳар бир лойиҳанинг энг катта қиймати 1 миллиард 360 миллион сўмни ташкил этади.
Лойиҳа ғолиблари рўйхати билан веб-сайтда танишиш мумкин. Бундан ташқари, ғолибларга SMS-хабар юборилади.
