Статистика агентлиги 2024 йил январь-март ойлари учун Ўзбекистоннинг асосий савдо ҳамкорлари тўғрисидаги маълумотларни эълон қилди.
Хитой билан товар айирбошлаш ҳажми 3,01 миллиард долларга етди, шундан 2,56 миллиард доллари товар ва хизматлар импорти, 451,6 миллион доллари эса Ўзбекистон маҳсулотлари экспортига тўғри келади. Ўтган йилга нисбатан товар айирбошлаш ҳажми 646,1 миллион долларга ошган.
Россия билан товар айирбошлаш ҳажми 396 миллион долларга ошиб, 2,8 миллиард долларни ташкил этди.
Қозоғистон Ўзбекистоннинг учинчи йирик савдо ҳамкорига айланди. Бунга умумий чегаранинг мавжудлиги, МДҲ эркин савдо зонасида товар айирбошлаш, шунингдек, ўзаро иқтисодий муносабатларни либераллаштириш таъсир кўрсатиши мумкин.
Ўтган давр мобайнида Ўзбекистон қўшни давлатга экспорт ҳажмини 294,8 миллион долларга (+5 фоиз) оширди, товар ва хизматларни эса 642,9 миллион долларга (-20,4 фоиз) харид қилди.
Германия билан товар айирбошлаш сезиларли даражада – 2,5 бараварга – 268,1 миллион долларга, Туркия билан – 1,3 баробарга – 656,3 миллион долларга қисқарди.
Умуман олганда, дастлабки уч ойда ташқи савдо айланмаси ҳажми 15,8 миллиард долларни ташкил этиб, ўтган йилнинг шу даврига нисбатан 927,9 миллион долларга (6,2 фоиз) кўпдир.
