Марказий банк ва Солиқ қўмитаси картадан картага шубҳали ўтказмалар бўйича маълумотлар алмашади. Бу ҳақда президент қарори лойиҳасига таяниб, «Газета.uz» хабар берди.
Марказий банк ва Солиқ қўмитасига икки ой муддатда бундай операциялар маълум чегарадан ошиб кетган тақдирда ўзаро ахборот алмашиш тўғрисида меморандум имзолаш таклиф этилади.
Жисмоний шахслар учун лимит йилига 100 миллион сўм, тадбиркорлар учун йилига 500 миллион сўм бўлиши мумкин.
Хавфсиз каналлар орқали ўзаро маълумотлар базалари билан интеграцияланган тизим 10 июлгача яратилиши кутилмоқда. У маълумотни қайта ишлаши ва хавфларни аниқлаши керак.
