Ижтимоий тармоқларда ЙПХ ходими ва ҳайдовчи ўртасидаги суҳбат акс этган видеолавҳа тарқалди. Унда ЙПХ ходими ҳайдовчидан уч кишига тушлик олиб келишни сўраган, деб ёзади Kun.uz.
ЙПХ ходими Nexia-3 ҳайдовчисини тўхтатиб, ҳайдовчига шикоят қила бошлаган.
«Мана шу ерда 50 кундан бери турибман қуёшда, битта сув ҳам олиб келмайсиз. Қорнинг очми, нима қиляпсан демайсиз», — деди инспектор.
Шундан сўнг «ГАИ» ходими уч кишига тушлик олиб келишни айтган. Ҳайдовчи эса бу «таклиф» у учун қийин эканини билдирган. Инспектор эса бунга жавобан 100 минг сўм сўраган.
Самарқанд вилояти ИИБ матбуот котибининг маълум қилишича, ҳозирда видеолавҳага аниқлик киритиш мақсадида хизмат текшируви тайинланган. Ҳолатга ҳуқуқий баҳо берилиб, натижаси бўйича жамоатчиликка маълум қилинади.
