Тошкентда бир вақтнинг ўзида иккита автомобиль йўлда ётган эркакни босиб кетди. Бу ҳақда «Взгляд.uz»га пойтахт ИИБ матбуот хизмати хабар берди.
Маълумотларга кўра, воқеа 4 май куни тахминан соат 20:40 да содир бўлган. Микроавтобус ва Cobalt ҳайдовчиси йўл бўйида ётган эркакни босиб кетган.
ЙТҲ оқибатида пиёда воқеа жойида вафот этган.
Мазкур ҳолат юзасидан Тошкент шаҳар ИИББ ҳузуридаги Тергов бошқармаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
«Тергов давомида содир бўлган барча фактлар аниқланиб, қонуний қарор қабул қилинади», — дейилади матбуот хизмати хабарида.
