Тошкент шаҳрининг Чилонзор туманида багаж хонасида одамларни олиб кетаётган вилоят автобуси ҳайдовчиси жаримага тортилди. Бу ҳақда Транспорт вазирлиги матбуот хизмати «Взгляд.уз»га маълум қилди.
Маълумотларга кўра, ҳодиса «Эркин» назорат-ўтказиш пунктида содир бўлган. Транспорт вазирлиги инспекторлари багажида болали онани олиб кетаётган «Ўзавтотранс» АК компаниясига қарашли ҳудудий автобусни тўхтатди.
Ҳайдовчига нисбатан Маъмурий жавобгарлик кодексининг 145-моддаси 2-қисми (йўловчиларни чиптасиз ташиш) билан баённома тузилди.
