Тошкент вилоятида 7 та юк вагони рельсдан чиқиб кетди. Бу ҳақда «Ўзбекистон темир йўллари» АЖ матбуот хизмати хабар берди.
Воқеа 18 май куни «Ўзбекистон темир йўллари» АЖга тегишли бўлмаган, «Чирчиқ савдо барака» МЧЖга қарашли кириш йўлида содир бўлган.
«BN Grain and Oil Group» МЧЖ ходимлари ушбу вагонларда юкларни қабул қилишда темир йўл мосламаси — буюм билан ишлаш технологиясига риоя қилмаган.
Оқибатда мазкур юк вагонларини тушириш вақтида мазкур ташкилот ходимлари зарур хавфсизлик чораларига риоя қилмасдан, люкстка ёрдамида вагонларни тортиб олишга уринган. Қурилманинг кабели узилиб, машиналар назоратсиз ҳаракатлана бошлади.
Вазият давомида «BN Grain and Oil Group» МЧЖ ходимлари вагонлар ҳаракатини тўхтатишга уриниб кўришган ва натижада иккита вагон ғилдиракларидан бутунлай чиқиб кетган, яна бештаси ён томонга ағдарилиб кетган.
Ҳодисанинг сабаби қўшимча қурилма — «лебёдка» ёрдамида ишлаш технологиясининг бузилиши сифатида аниқланди.
