Самарқанд вилоятида маст ҳолатда пенционер ўқувчи қизни уриб юборди, деб хабар бермоқда вилоят ИИБ матбуот хизмати.
Маълумотларга кўра, воқеа Нарпай туманида содир бўлган. Кекса эркак маст ҳолда пиёдалар ўтиш жойида 2-синф ўқувчисини уриб юборди.
Илгари автоҳалокат содир этган ҳайдовчининг ҳайдовчилик гувоҳномаси бир неча бор маст ҳолда автомобиль бошқаргани учун аллақачон олиб қўйилган эди.
Мазкур ҳолат юзасидан Жиноят кодексининг 266-моддаси 1-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
