Тошкентда юк машинаси ва йўловчи автобуси иштирокида ЙТҲ содир бўлди. Бу ҳақда «Тошшаҳартранс» АЖ матбуот хизматига таяниб, UzNews хабар бермоқда.
Маълумотларга кўра, воқеа 21 май куни пойтахтнинг Янгиҳаёт туманида содир бўлган. Орқага ҳаракатланаётган юк машинаси йўловчи автобуси билан тўқнашиб кетган. Тўқнашув оқибатида юк машинаси ағдарилган.
«Автобус ичида йўловчилар ҳам бўлган. Ҳодиса оқибатида ҳеч ким жароҳат олмаган», — дейилади хабарда.
Мазкур ҳолат юзасидан терговга қадар текширув ҳаракатлари олиб борилмоқда.
