Жорий йилнинг тўққиз ойида Ўзбекистонга 16 минг 209 дона электромобил импорт қилинган. Уларнинг умумий қиймати 182,2 миллион долларни ташкил этди, деб хабар берди Статистика агентлиги.
Шундан центябр ойида қиймати $15,4 млн бўлган 3296 дона етказиб берилди. Импорт ҳажми кетма-кет иккинчи ой жорий йил бошидан бери максимал даражада янгиланди (август ойида — 2471 бирлик).
Ўзбекистонга электр транспорт воситаларининг аксарияти Хитойдан олиб келинади. Январь-сентябрь ойларида етказиб бериш ҳажми 16 131 та электромобилни ташкил этди, шу жумладан август ойида 3291 та — бу жами импортнинг 99,8 фоизини ташкил этди.
Иккинчи ўринни Қозоғистон эгаллади, у ердан 23 та электромобил олиб келинган (сентябрь ойида +1 та). Август ойи ўзбекистонлик етказиб берувчилар қўшни давлатдан электромобилларни импорт қилган биринчи ой бўлди.
Учинчи ўринни 17 та автомобиль билан Гонконг, тўртинчи ўринни 14 та автомобиль билан Германия эгаллади. Кузнинг биринчи ойида ҳар икки давлатдан иккитадан машина олиб келинди. Шунингдек, йил бошидан буён 24 та электромобил бошқа давлатлардан, жумладан, БАА ва АҚШдан олиб келинган.
Иқтисодиёт ва молия вазирлиги маълумотларига кўра, май ойидан буён Ўзбекистонда қувватлаш станциялари сони 1,5 баробарга ошган. Электр ёнилғи қуйиш шохобчаларининг ярмига яқини Тошкент шаҳрида, кейинги ўринларда Тошкент ва Наманган вилоятлари жойлашган.
