Oʻzbekistonning My Freighter aviatashuvchisi Vengriyada yuk tashuvchi aviakompaniya tashkil etishni rejalashtirmoqda. Bu haqda Centrum Holding bosh direktori Abdulaziz Abdurahmonov maʼlum qildi, deb xabar beradi “Ch-aviation”.
Uning soʻzlariga koʻra, bunga erishish uchun My Freighter ikkita yangi aviatashuvchi sertifikatini (AOC) – Vengriya va Saudiya Arabistonida olishni moʻljallamoqda.
Abdurahmonov, shuningdek, Centrum Holding kompaniyasi Navoiy aeroportida My Freighter uchun yangi baza ochish va Liyej (Belgiya) va Ostrava (Chexiya) shaharlariga muntazam yuk qatnovlarini yoʻlga qoʻyishga qaror qilganini taʼkidladi.
Aviakompaniya hozirda Gonkongdan Budapeshtga charter yuk reyslarini Oʻzbekistonda oraliq toʻxtash bilan amalga oshiradi.
