Afg‘onistonning Badaxshon viloyatida erkaklar va ayollar uchun shariat normalariga muvofiq yangi cheklovlar joriy etildi. “Tolibon” harakati tomonidan tarqatilgan va “8 subh” nashri tomonidan e’lon qilingan farmonga ko‘ra, Fayzobod shahrining uchinchi hududida erkaklarga jiddiy zarurat bo‘lmaganda soqol olish, zamonaviy soch turmagi taqish va soat 22:00 dan keyin uydan chiqish taqiqlangan.
Ayollar jamoat joylariga, shu jumladan bozorlarga borishda hijob kiyish qoidalariga qat’iy rioya qilishlari shart.
“Tolibon” harakati mahalliy aholini yangi qoidalarni qabul qilish va ularga amal qilishga chaqirmoqda. Ilgari bunday cheklovlar mamlakatning boshqa hududlarida ham joriy etilgan. Masalan, erkaklarga soqol saqlash majburiyati yuklatilgan, yaqinda esa jamoat joylarida "ayol ovozi" taqiqlangan edi. Bundan tashqari, Afg‘oniston Islom amirligining oliy rahbari Haybatulla Oxundzoda derazalarni shunday loyihalashtirganki, ulardan ayollarni ko‘rish mumkin bo‘lmasligi kerak.
