Telegram messenjeri 2024-yilda AQSH rasmiylariga 2200 dan ortiq foydalanuvchilar haqida ma’lumot taqdim etdi, deb xabar beradi 404 Media.
2024-yil 1-yanvardan 30-sentyabrgacha Telegram 108 foydalanuvchining "IP-manzillari va/yoki telefon raqamlari" bo‘yicha AQSH rasmiylaridan 14 ta so‘rovni bajardi. Biroq, yilning so‘nggi choragida bunday so‘rovlar soni sezilarli darajada ko‘payib, 900 ta so‘rovni tashkil etdi, bu esa 2253 foydalanuvchiga ta’sir ko‘rsatdi.
Messenjer amaliyotidagi bu o‘zgarishlar Pavel Durov Fransiyada hibsga olingandan keyin sodir bo‘ldi. U qo‘lga olingandan bir oy o‘tgach, Telegram o‘zining maxfiylik siyosatini yangiladi, unga ko‘ra endi u foydalanuvchilarning shaxsiy ma’lumotlarini faqat rasmiy sud buyrug‘i bilan uzatadi.
