Давлат активларини бошқариш агентлиги Тошкентдаги иккита меҳмонхона хусусийлаштирилгани ҳақида маълум қилди. Кимошди савдоси натижаларига кўра, Alfa Invest суғурта компанияси Lotte меҳмонхонасини 20 млн долларга сотиб олди, Smart Fast Stroy компанияси эса International Hotel учун 14,7 млн евро таклиф этиб, ғолиб бўлди.
Давактив «ТошуйжойЛИТИ» ва «ЎзИнжиниринг» компанияларининг давлат акцияларини сотиб олиш учун аризалар қабули бошланганини эълон қилди. Ариза берувчи компаниялар Европа Иттифоқи, АҚШ ва йирик халқаро тараққиёт банкларининг санкцияларига дуч келмаган бўлиши керак.
Май ойида Давактив International Hotel Tashkent (собиқ Интерконтиненталь) меҳмонхонасининг давлат улушини сотувга қўйганди. Меҳмонхонани турли мамлакатлардан олти нафар инвестор сотиб олмоқчи. Номзодлар мувофиқлик учун текширилиб, барча аризалар мос деб топилди.
Ўзбекистон ҳукумати HUMO тўлов тизимини хусусийлаштирмоқда. Банклараро процессинг маркази акциялари очиқ кимошди савдосига қўйилади.
Asosiy voqealardan birinchi boʻlib xabar topish uchun Telegram kanalimizga obuna boʻling.