Hyundai Motor Company Ulsanda 2026-yilda ishga tushadigan yangi zavod quryapti. Ishlab chiqarishda ulkan press yordamida avtomobillarning yaxlit kuzovlarini quyish imkonini beruvchi HyperCasting texnologiyasi qoʻllaniladi. Bu yechim xarajatlarni kamaytiradi va yangi avlod elektromobillarining sifatini oshiradi, shuningdek Hyundaiʼning bozordagi oʻrnini mustahkamlaydi.
Oppo eng yupqa buklama smartfon bilan bozorni hayratda qoldirishga tayyorlanmoqda. Yangi Find N5 nozik dizaynni ilgʻor xususiyatlar, jumladan simsiz quvvatlash, takomillashtirilgan kamera va qudratli protsessor bilan uygʻunlashtirishni vaʼda qilmoqda. Qurilmaning taqdimoti fevral oyida, xalqaro debuti esa mart oyida boʻlishi kutilmoqda.
Apple iOS 19 dizaynini visionOS`ga o‘xshatib tubdan o‘zgartirishi mumkin. Tahlilchi Jon Prosserning so‘zlariga ko‘ra, tizim yarim shaffof vidjetlar va dumaloq ikonkalarga ega bo‘ladi. Biroq, taqdim etilgan renderlar insayderning uydirmalariga asoslangan va bu interfeysning yakuniy versiyasi ekanligi noma’lum.
Yettinchi orbital sinov paytida raketa Starship Karib dengizi ustida portlagan yuqori pog‘onani yo‘qotdi. Voqeaga qaramay, SpaceX modernizatsiya qilingan uchirish minorasi yordamida o‘ta og‘ir tezlatgichni Yerga muvaffaqiyatli qaytargan holda texnologik yutuqni yana bir bor namoyish etdi.
Galaxy S25 seriyasining taqdimotiga bir hafta qoldi, ammo sizib chiqishlar tafsilotlarni oshkor qilishda davom etmoqda. Yangi tasvirlar kameralarning noyob rang yechimlarini, Galaxy S25 Ultra yangilangan dizaynini va “Now Brief” funksiyasiga ega One UI 7 interfeysining birinchi kadrlarini namoyish etadi.
Fergani Space kompaniyasi buyuk oʻzbek olimi Ahmad al-Fargʻoniy nomi bilan atalgan birinchi sunʼiy yoʻldoshini orbitaga muvaffaqiyatli chiqardi. Uchirish Vandenberg bazasidan SpaceX kompaniyasining Falcon 9 raketasi yordamida Transporter-12 missiyasi doirasida amalga oshirildi.
Lamborghini Egoista yagona avtomobili brendning 50 yilligi munosabati bilan yaratilgan, ammo sotuvga mo‘ljallanmagan. Biroq noma’lum milliarder astronomik miqdor taklif qildi, bu kompaniyani o‘z rejalarini o‘zgartirishga ishontirdi.
Mashhur bloger va tadbirkor MrBeast (Jeyms Donaldson) X platformasida ByteDance kompaniyasiga tegishli TikTok`ni sotib olish niyatida ekanini eʼlon qildi. The Wall Street Journal maʼlumotlariga koʻra, 2024-yilning toʻrtinchi choragida kompaniya 300 milliard dollarga baholangan.
Gravy Analytics serverlari buzib kirildi va millionlab iPhone foydalanuvchilarining joylashuv ma’lumotlari ochiq bo‘ldi. Oqimda 10 TB ga yaqin ma’lumot, shu jumladan odamlarning aniq koordinatalari mavjud.
Jeff Bezosning Blue Origin kompaniyasi texnik nosozlik tufayli New Glenn raketasini uchirishni to‘xtatdi. New Glenn raketasi sun’iy yo‘ldoshlarni orbitaga chiqarish uchun mo‘ljallangan va Blue Origin uchun katta yutuq bo‘lishi mumkin. Biroq SpaceX`dan farqli o‘laroq, kompaniya hali orbital uchirishlarni amalga oshirmagan.
2025-yilning bahorida Apple A17 Pro chipli iPad 11 va aqlli uyning markaziga aylanadigan ekranli aqlli kolonka taqdim etadi. Yil oxiriga kelib Vision Pro ikkinchi avlodining e’lon qilinishi, 2026-yilda esa uning arzonlashtirilgan versiyasi chiqarilishi kutilmoqda. Kompaniya sun’iy intellekt va fazoviy qurilmalar segmentlarida o‘z mavqeini mustahkamlamoqda.
Neuralink yana bir bemorga miya chipini muvaffaqiyatli implantatsiya qilgani haqida xabar berdi. Bu Ilon Mask kompaniyasidan miya implantini olgan uchinchi odam. Hammasi bo‘lib ular 2025-yil oxirigacha 20 tadan 30 tagacha shunday tartib-taomillarni o‘tkazishni rejalashtirmoqda.
SpaceX va Firefly Aerospace Blue Ghost oy modulini uchiradi. 15-yanvarga rejalashtirilgan missiya AQShning zamonaviy Oy dasturida muhim bosqich bo‘ladi. Apparat Krizislar dengizi tumaniga o‘nta tajriba uchun uskunalarni yetkazib beradi.
Swippitt kompaniyasi smartfonni bir necha soniya ichida zaryadlash imkonini beruvchi innovatsion qurilmani ishlab chiqdi. Biroq, tezlikni noqulay dizayn bilan to‘lashga to‘g‘ri keladi: qo‘pol g‘ilof telefonni kamroq ixcham qiladi.
Yangwang U9 superkar 1300 ot kuchiga ega va 2,36 soniyada 100 km/soat tezlikka ega. E4 platformasi va DiSus-X tizimlarining noyob texnologiyalari barcha g‘ildiraklarni mustaqil boshqarishni ta’minlaydi, xavfsizlik va haydash dinamikasini oshiradi. Shuningdek, superkar chuqurlar ustida sakrashi mumkin.
NASA tashqi ko‘rinishi Rojdestvo archasiga o‘xshagan NGC 2264 yulduzlar to‘dasining suratini e’lon qildi. Tasvir “Chandra” rentgen observatoriyasi ma’lumotlari va Maykl Klou optik teleskopi yordamida yaratilgan bo‘lib, bu to‘dani yorqin ranglarda ko‘rsatish imkonini berdi.
Asosiy voqealardan birinchi boʻlib xabar topish uchun Telegram kanalimizga obuna boʻling.