Давлат раҳбари Бандлик ва камбағалликни қисқартириш вазирлиги ҳузурида Ташқи меҳнат миграцияси агентлигини ташкил этиш бўйича топшириқ берди. Шунингдек, Ўзбекистон Вазирлар Маҳкамаси ижро этувчи тузилмасида Ташқи меҳнат миграцияси масалалари департаментини ташкил этиш тўғрисида ҳам топшириқ берилди.
Фармонга мувофиқ, Бандлик ва камбағалликни қисқартириш вазирининг ўринбосари — Ташқи меҳнат миграцияси агентлиги директори лавозими жорий этилади.
Ўзбекистоннинг Буюк Британия, БАА, Венгрия, Германия, Латвия, Польша ва Япониядаги дипломатик ва консуллик муассасаларида меҳнат миграцияси масалалари бўйича атташе лавозимлари жорий этилади.
