Тошкентда эркак ўз хотинини қўрқитиб, кўчада тепиб калтаклади, деб хабар бермоқда «Сукут сақлама» лойиҳаси.
Воқеа 14 апрель куни содир бўлган, «Сукут сақлама» лойиҳасининг кўнгиллиси жанжалга гувоҳ бўлиб, можарога аралашиб, ҳуқуқ-тартибот ходимларини чақирган.
«Эркак хотинига бир-икки марта қўлини силкитиб, жимгина танбеҳ берди. Бироқ кейинчалик у аёлнинг оёғига куч билан тепган», — дейилади хабарда.
102 рақамига қўнғироқ қилингандан сўнг эркак волонтёр қизга тажовузкорлик билан муносабат қилган. У қизга сўкиниб, бировнинг оилавий ишларига аралашмасликни талаб қилган.
«Мен унга эътироз билдирдим, сиз аёлларни ура олмайсиз, бу жиноят ҳисобланади, дедим. Бу сўзлардан сўнг у аёл унинг хотини эканини айтди. Ургандан кейин мулойим бўлиб қолади, деб таъкидлади эркак», — дейди волонтёр.
Эркак ҳибсга олингач, кўнгилли қизнинг манзилини топиб, «попугини пасайтириб қўйишини» иддао қилгани айтилмоқда.
