Бекмуродов энергия ресурслари тақчиллигини бартараф этиш учун электр энергияси тарифларини ошириш ва бозор механизмларини жорий этиш зарурлигини тан олди. Унинг таъкидлашича, давлат б юджетидан тарифларни субсидиялашнинг амалдаги тизими адолатсиз, чунки бадавлат фуқаролар муҳтожлар билан бир хил ёрдам олади.
Шу билан бирга, «Юксалиш» тариф ислоҳотини амалга оширишда эътиборга олиниши керак бўлган бир қатор муҳим жиҳатларни санаб ўтди:
Минтақавий хусусиятлар: Қарор ижроси доирасида марказий иситиш тизими ва табиий газдан фойдаланиш имкони йўқ ҳудудлардаги шароитларни ҳамда асосий иссиқлик манбалари печка ва кондиционерлар эканлигини ҳисобга олиш зарур.
Истеъмолчиларнинг ҳуқуқларини ҳимоя қилиш: Энергетика вазирлиги юқори кучланиш бўлганда маиший техникаларига зарар етган истеъмолчиларга компенсация тўлаш механизмларини ишлаб чиқиши зарур.
Харажатларнинг шаффофлиги: Ҳукумат давлат бюджетидан энергия тармоғини модернизация қилишга ажратилган маблағларнинг очиқлиги ва шаффофлигини таъминлаши керак.
Тарифларни дифференциаллаштириш: Хорижий тажрибани ўрганиш ҳам муҳим. Масалан, дифференцияланган тарифлар қўлланиладиган мамлакатларда электр энергиясига талаб юқори бўлган пайтларда (аномал ҳаво шароитларида) тариф нормалари сезиларли даражада оширилади.
