АОКАда бўлиб ўтган матбуот анжуманида агентлик бош мутахассиси Исмат Турсунхўжаевнинг айтишича, тўлов уч йил давомида — 2021 йил май ойидан бери ўзгармаган. Уч йил аввал мактабгача таълим муассасаларига қамраб олиш кўрсаткичлари ҳозиргига нисбатан анча паст бўлиб, ота-оналарга рағбатлантирилиб, улардаги юкни камайтириш, болаларни қамраб олиш кўламини оширишга қаратилганди.
«Охирги уч йилда иш ҳақи ставкалари 1,4 баробар, яъни 40 фоизга ошди. Худди шундай, озиқ-овқат ва коммунал хизматлар нархлари икки баравардан ошди. Масалан, электр энергияси тарифлари 2021 йилга нисбатан 2,2 баробар ошди. Биринчи сабаб, озиқ-овқат ва бошқа тарифларнинг ошиши, давлат буджетидан бир болани боқиш харажатларида давлат улушининг ошишидир», — деди у.
Иккинчи сабаб ота-оналарнинг оғирини камайтириш учун яқин вақтгача нархлар ошмаган.
«Озиқ-овқат сифатини яхшилаш учун биз унга сарфланадиган харажатларни оширишимиз керак. Қанчалик кўп сармоя киритилса, сифат шунчалик юқори бўлади», — деди агентлик вакили.
Турсунхўжаев, шунингдек, оширилган суммалар «2021 йилдан бошлаб ҳар йили тўлов миқдори оширилса, мавжуд бўлган кўрсаткичнинг ярмини ташкил этмайди», — деб қўшимча қилди.
«Яъни агар 2021 йилда давлат улуши 40 фоизни ташкил этган бўлса, ота-оналарнинг бадаллари болаларнинг озиқ-овқат харажатларининг 60 фоизини қоплаган. Энди бу кўрсаткичлар ўрнини ўзгартирди, яъни ота-оналарнинг бадаллари миқдори 35 фоизга камайди, давлатнинг улуши эса 65 фоизгача ошди. Ушбу кўрсаткичларни ҳисобга олган ҳолда ва сифат кўрсаткичларини яхшилаш мақсадида суммалар янгиланди», — дея хулоса қилди у.
