Yanvar oyidan beri “Hayʼat Tahrir ash-Shom” (HTSH)* guruhi bilan aloqador Suriya qutqaruv hukumatini boshqarib kelayotgan Muhammad al-Bashir Suriyada oʻtish davri hukumati tuzilganini eʼlon qildi. Yangi vazirlar mahkamasi 1-martgacha yakunlanishi kutilayotgan hokimiyat oʻzgarishi doirasida ish olib boradi.
Suriyaning sobiq bosh vaziri Muhammad Jaloliy hokimiyatni isyonchilarga topshirishga rozilik bildirdi. Oʻtish davrini muhokama qilish uchun HTSH rahbari Abu Muhammad al-Juloniy (Ahmad al-Sharaʼa) Jaloliy va vitse-prezident Faysal Miqdod bilan uchrashdi. Vaqtinchalik hukumatni boshqarayotgan Muhammad al-Bashir al-Juloniyning ishonchli shaxsi hisoblanadi.
* “Hayʼat Tahrir ash-Shom” bir qator mamlakatlarda terroristik tashkilot sifatida tan olingan.
