Amerika kino akademiyasi “Anora” filmini “Eng yaxshi film”, “Eng yaxshi rejissyorlik ishi” (Shon Beyker), “Eng yaxshi ayol roli” (Mayki Medison) va “Eng yaxshi ikkinchi plandagi aktyor” (Yuriy Borisov) nominatsiyalari boʻyicha “Oskar” mukofotiga nomzodlar roʻyxatiga kiritdi.
“Eng yaxshi film” nominatsiyasidagi filmlarning raqobatchilari orasida “Brutalist”, “Toʻliq nomaʼlumlik,” “Konklav”, “Duna: Ikkinchi qism” va boshqa loyihalar bor. Mukofot gʻoliblari 3-mart kuni Kinoakademiya aʼzolarining yashirin ovoz berishidan soʻng eʼlon qilinadi.
“Anora” filmining syujeti oʻzbek millatiga mansub striptizchining hayoti haqida boʻlib, bu tanqidchilarning noaniq munosabatiga sabab boʻldi. Baʼzilar tasmani yilning eng yaxshi filmi deb eʼtirof etishsa, boshqalari uni zaif va eʼtiborga loyiq emas deb atashdi. Shunga qaramay, film Kann kinofestivalida “Oltin palma shoxi” mukofotiga sazovor boʻldi.
Shunisi eʼtiborga loyiqki, Oʻzbekistonda “Anora” filmini kinoteatrlarda ham, striming platformalarida ham namoyish etish taqiqlangan. Bunga bosh qahramon obraziga qarshi norozilik namoyishlari sabab boʻlgan, bu esa, rasmiylarning fikriga koʻra, mamlakatga salbiy taʼsir koʻrsatishi mumkin. Biroq ekspertlarning fikricha, filmda oʻzbekistonliklar uchun haqoratli hech narsa yoʻq.