5-fevral kuni ijtimoiy tarmoqlarda Nukus shahrida joylashgan nodavlat maktabgacha taʼlim tashkilotida tarbiyachining bolalarga qoʻpol munosabatda boʻlgani aks etgan videoyozuvlar tarqaldi.
Prokuratura matbuot xizmatining maʼlum qilishicha, videoyozuvlar oʻtgan yilning noyabr oyida olingan.
Mazkur holat yuzasidan tergovga qadar tekshiruv harakatlari olib borilmoqda. Tekshiruv davomida muassasa xodimlarining xatti-harakatlariga huquqiy baho beriladi.
