Ўзбекистон ва Россия бош прокурорлари идоралараро ҳамкорликни кенгайтириш бўйича келишувга эришди. Томонлар музокаралар ўтказиб, идоралар ўртасидаги ўзаро ҳамкорликни янада ривожлантиришнинг устувор йўналишларини белгилади.
Кўксарой қароргоҳида Ўзбекистон ва Озарбайжон президентлари ўртасидаги Олий давлатлараро кенгашнинг биринчи мажлиси бўлиб ўтди. Икки давлат раҳбарлари стратегик шерикликни янада чуқурлаштириш ва кенгайтириш масалаларини муҳокама қилди.
Стратегик ислоҳотлар агентлиги эксперти Африка давлатлари билан иқтисодий ҳамкорлик имкониятларини ўрганди. Айни пайтда Ўзбекистоннинг Африка мамлакатларига экспортининг 57 фоизи Мисрга йўналтирилади. Бошқа ҳамкорлар қаторидан Марокаш (17%), Судан (16%), Жанубий Африка (6%) ва Тунис (2%) мамлакатлари ўрин олган. Миср экспорт қиладиган полимер, темир ва қоғоз каби кўплаб маҳсулотлар Ўзбекистон учун қизиқиш уйғотиши мумкин.
Соғлиқни сақлаш вазирлигининг Япония ва Туркия делегациялари билан бўлиб ўтган учрашувида ушбу мамлакатларнинг қатор тиббиёт соҳасидаги олий ўқув юртлари билан ҳамкорлик йўлга қўйилди. Токио ва Истанбул кўп тармоқли тиббиёт маркази қуриш ниятини билдирди. Лойиҳа 300 миллион долларга тушади.
Президентлар Шавкат Мирзиёев ва Ухнаагийн Хурэлсух Ўзбекистон ва Мўғулистон ўртасидаги савдо-сотиқни ривожлантириш масалаларини муҳокама қилди. Яқин йилларда томонлар ўзаро товар айирбошлаш ҳажмини 5-10 баробарга оширишни режалаштирмоқда.
Asosiy voqealardan birinchi boʻlib xabar topish uchun Telegram kanalimizga obuna boʻling.