Жаҳон соғлиқни сақлаш ташкилотининг ҳисоботига кўра, дунёдаги ҳар ўнинчи ўсмир ижтимоий тармоқлар ва компьютер ўйинларига ҳаддан ташқари берилиб кетиши туфайли психологик қийинчиликларга дуч келмоқда. Маълумотлар «Мактаб ёшидаги болаларнинг саломатликка бўлган муносабати» мавзусидаги тадқиқот доирасида олинган.
Австралияда болалар ва ўсмирларга ижтимоий тармоқлардан фойдаланишни ман этиш кўзда тутилмоқда. Мамлакат Бош вазири Энтони Альбанезенинг таъкидлашича, «ижтимоий тармоқлар жамиятга зарар етказади, болаларни ҳақиқий дўстлардан маҳрум қилади ва уларга ҳаётий тажриба орттириш имконини бермайди».
ОАВда эълон қилинган маълумотларга кўра, 2024 йилнинг январь-сентябрь ойларида ота-она қарамоғидан маҳрум бўлган 66 нафар вояга етмаган болалар ва ўсмирлар Россиядан Ўзбекистонга қайтарилган. Энг сўнгги ҳолат 1 сентябрь куни Санкт-Петербургда туғилган чақалоқ Бухорога олиб келингани бўлди.
Қашқадарё вилоятида озиқ-овқат дўконининг эгаси 12 ёшли болани бошига бир неча марта урди. Сотувчига ўсмирнинг дўконга ҳеч ким бўлмаган вақтда кирганини ёқмаган. Жабрланувчининг онаси омбудсманга мурожаат қилди. Ҳуқуқ-тартибот идоралари ходимлари иш очган.
Самарқанд вилоятида Damas ҳайдовчиси бошқарувни йўқотиб, бир гуруҳ ўсмирларни уриб юборди. Бир неча йигит ён томонга сакрашга муваффақ бўлган, бироқ машина икки пиёдани уриб юборган. Ҳодиса оқибатида қурбонлар бўлмаган.
Тошкент вилоятининг Бекобод туманида 14 ёшли ўсмир «Дўстлик» каналига чўкиб ҳалок бўлди. Мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
Asosiy voqealardan birinchi boʻlib xabar topish uchun Telegram kanalimizga obuna boʻling.